Fíggjarnevnd biðin um pengar

Hóast nevndin, ið skal viðgera uppskotið hjá landsstýrinum til fíggjarlóg fyri 2016 ikki er farin til verka enn, hevur nevndin fingið fleiri umbønir

Fíggjarnevndin hjá løgtinginum hevur longu fingið fyrstu umbønirnar um pengar í fíggjarlógini fyri 2016, hóast nevndin ikki enn er farin undir at viðgera uppskotið hjá landsstýrinum

Høgni Djurhuus

Bjarni Mohr

13.10.2015 - 08:39

Fíggjarnevndin hjá løgtinginum hevur longu fingið fyrstu umbønirnar um pengar í fíggjarlógini fyri 2016, hóast nevndin ikki enn er farin undir at viðgera uppskotið hjá landsstýrinum.

Kvívíkar kommuna biður um hálva fimtu millión, so Landsverk kann gera arbeiðið at bøta um trygdina á skúlaleiðini millum Stykkið og Kvívík liðugt.

ÍSF biður um 30 mió.

Endamálið við hesum arbeiði er at gera tað tryggari at ganga ella súkkla millum Stykkið, Leynar og Kvívík. Kvívíkar kommuna og Landsverk gera saman arbeiðið, sum kostar 7,5 mió. kr.

ÍSF endurtekur sína umsókn um nógv størri játtan. ÍSF biður um slakar 30 milliónir krónur í fíggjarlógini fyri 2016.

Løgtingið er í heystferiu, og Fíggjarnevndin hevur fund mikudagin í næstu viku. Kristina Háfoss, landsstýriskvinna í fíggjarmálum, er biðin um at koma á tann fundin.