FIFA revsar Blatter og Platini fyri svik

Altjóða Fótbóltssamgongan, FIFA, hevur gjørt av at útihýsa Sepp Blatter og Michel Platini frá fótbólti í átta ár, tí teir hava viðvirkað til svik

Michel Platini og Sepp Blatter (myndin) eru útihýstir frá fótbólti í átta ár tí teir hava svikað, hevur FIFA, Altjóða Fótbóltssamgongan, gjørt av

Mynd: Savnsmynd/AP

Sigmar Bláberg

Bjarni Mohr

21.12.2015 - 11:19

Sepp Blatter verður haraftrat dømdur at rinda 50.000 sweitsarafrankar og Michel Platini 80.000 sweitsarafrankar í bót, skrivar tíðindastovan, AFP.

Báðir søgdu seg vera ósekar í ákæruni um svik, tá etiska nevndin hjá FIFA avhoyrdi teir. Etiska nevndin hjá FIFA avhoyrdi Sepp Blatter í meir enn átta tímar hósdagin.

Greinin heldur fram niðanfyri

Watch Sepp Blatter's news conference after he is banned from football for 8 years here: https://t.co/0jXBaOU41g pic.twitter.com/xPXajVRzMQ
— BBC Sport (@BBCSport) December 21, 2015

Fríggjadagin avhoyrdi nevndin Platini, sum er formaður í Europeisku Fótbóltssamgonguni, UEFA. Michel Platini hevur fingið forboð at virka í fótbólti í tríggjar mánaðir.

Platini segði etisku nevndini, at hann roknaði við at forboðið varð ógildað, so hann kundi royna at gerast forseti í FIFA á fundinum sum verður 26. februar.

Áðrenn illgrunin um svik kom fram, varð tikið sum givið, at Michel Platini fór at taka við sum forseti í FIFA eftir Sepp Blatter. Men nú er greitt, at tað verður hann ikki.