Norðingur fingið fiskiloyvi

Norðingur hjá P/f Nærabergi hevur nú fingið fiskiloyvi. Nótaskipið hevur loyvi at fiska svartkjaft og makrel.

Norðingur hevur fingið loyvini, sum Slættaberg hjá sama reiðaríi hevði. Slættaberg er lagdur, og manningin er farin um borð á Norðing.

P/f Næraberg keypti Ruth úr Danmark fyri 70 milliónir krónur, og gav skipinum navnið Norðingur. Norðingur er størri enn Slættaberg, og tekur 600 tons meira enn hann.