Lestrarstuðulin lækkar ikki

Løgtingið hevur einmælt samtykt, at lestrarstuðulin skal ikki lækka, hóast prístalið er lækkað.

Lógin forðar fyri, at lestrarstuðul frá Studna fyri lestrarárið 2016 og 2017 verður prístalviðgjørdur í august. 

Miðalprístalið er nú minus 1,7 prosent samanborið við einum ári síðani, og hetta er triðja árið á rað, at prístalið lækkar.

Lógarbroytingin fer at kosta landskassanum hálvu aðru millión krónur um árið, men rúm er fyri tí, tí á fíggjarlógini er ikki roknað við, at prístalið lækkar.

Sostatt eru tær 700.000 krónurnar, sum landskassin kundi spart við at minka lestrarstuðulin eftir prístalinum, við á fíggjarlógini í ár. 

Tá málið var til 2. viðgerð seinnapartin, atkvøddu øll 26 tingfólkini, sum vóru í salinum, fyri.

Málið skal hava eina viðgerð aftrat.