Væntar rakstrarvinning longu í ár

Tað gongur so væl hjá vínappini Vivino, at Heini Zachariassen, sum stovnaði Vivino í 2009, væntar rakstrarvinning longu síðst í hesum árinum. Tað er eitt ár fyrr enn væntað, skrivar Berlingske Business.

Heini Zachariassen sigur Berlingske Business, at málið er at gera heimsins størsta marknaðartorg fyri vín. Í ár leggjast tíggju marknaðir, tíggju lond, afturat hjá Vivino.

Vivino er nú ein amerikonsk fyritøka, sum hevur skrivstovur í USA, Danmark, India og Ukraina. Vivino hevur yvir 17 milliónir brúkarar.

Í minsta lagi 10.000 fløskur av víni verða seldar um dagin á Vivino. Heini Zachariassen, sum er úr Hoyvík, er stjóri í Vivino, og hann býr í San Francisco