Eigarapolitikkkur landsins nærkast

Eigarapolitikkkur landsins nærkast
Landið eigur nakrar milliardir í partafeløgum og øðrum ognum. Men eingin yvirskipaður politikkur er um hesar milliardirnar. Hann er nú á veg
Uppskotið um eigarapolitikk landsins og landspartafeløg er sent til hoyringar, og verður latið landsstýrismanninum í vinnumálum hálvan august
 
09.06.2016 - 08:24

Embætismenn í fýra aðalráðum hava gjørt uppskot um eigarapolitikk landsins og landspartafeløg. Uppskotið er sent til hoyringar. Tað verður latið landsstýrismanninum í vinnumálum hálvan august.

Uppskotið umfatar partafeløg og onnur vinnufeløg hjá landinum, sum eru uttan fyri fíggjarlógina og uttan fyri vanligu landsumsitingina.

Eigarapolitikkurin er leiðreglur um samspælið millum avvarðandi landsstýrisfólk, sum er eigari, og leiðslu felagsins. Harafturat eru leiðreglur um leiðsluna í landsins vinnufeløgum.

SÍ EISINI Almennu Føroyar skulu hava ein eigarapolitikk

Uppskot er eisini um kunngerð um at seta í gildi serligu reglurnar í vinnufelagalógini og ársroknskaparlógini fyri landspartafeløg, tað eru partafeløg, har landið hevur avgerandi ávirkan.

Í august í 2014 gjørdu Landsgrannskoðanin og løgtingsgrannskoðararnir vart við, at tað almenna átti seks milliardir krónur í partafeløgum og grunnum.

Men Føroyar hava ongan almennan eigarapolitikk. Tí eigur landsstýrið at koma við lógaruppskoti um almennan eigarapolitikk, vóru ráðini tá fyri skjótt tveimum árum síðani.

Setti arbeiðsbólk í 2014

Johan Dahl, landsstýrismaðurin í vinnumálum, lá ikki á boðunum. Hann setti á heysti í 2014 embætisbólk at gera uppskot um eigarapolitikk fyri landið.

Tá Poul Michelsen loysti Johan Dahl av í september í fjør, bað hann embætisbólkin halda fram við arbeiðinum og við sama arbeiðssetningi.

Nú er arbeiðið liðugt, og eftir hoyringina, sum nú er byrjað, verður uppskotið gjørt heilt liðugt og latið landsstýrismanninum í vinnumálum.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592