Ikki liðugt at kanna málið

Trolararnir royndu, tveir og tveir, á einari leið, sum Fiskiveiðieftirlitið stongdi tann 13. juni, tí so nógvur ungfiskur var har.

Trolararnir komu á Kollafjørð millum klokkan fýra og fimm í gjár. Har liggja teir enn, og Tjaldrið liggur hjá teimum.

Fiskiveiðieftirlitið hevur fylgisveinaeftirlit við fiskiskipum, og varnaðist tí tíðliga í gjáramorgunin, at fronsku skipini fiskaðu ólógliga.

Kann enda í rættinum

Haltenbank II og Cap Saint Georges fóru úr Peterhead hósdagin, André Leduz fór haðani mánadagin, og Bressay Bank fór úr Hanstholm næst seinasta sunnudag.

Vanliga plaga skiparar og reiðarí at fáa sektaruppskot í slíkum førum. Verða sektaruppskotini ikki góðtikin, fara málini í rættin.

Fronsk skip kunnu fiska í føroyskum sjógvi av ES-kvotuni. Men stongdar leiðir eru eisini stongdar fyri ES-skip.