Varðhaldsfongslaður fyri afturlatnum hurðum

Ákærin mælti til, at avhoyringin fór fram fyri stongdum hurðum, tí hildið verður, at samsek í málinum enn ikki eru handtikin.

Um tað, sum ungi maðurin sigur í rættinum kemur út alment, kann tað ávirka kanningararbeiðið hjá løgregluni, heldur ákærin.

Samsek kunnu náa at beina burtur prógv, segði ákærin. Verjin hjá manninum hevði ongan viðmerking til tað, og dómarin játtaði hesum.

Rættarfundurin vardi í 23 minuttir. Ákærin segði eftir rættarfundin, at handtøkan av manninum er longd í tríggjar ferðir 24 tímar.