Meiriluti fyri fíggjarlógaruppskotið fyri 2017

Sonja Jógvansdóttir, sum ikki er í nøkrum flokki, tekur undir við uppskotinum. Tað segði Kristina Háfoss, landsstýriskvinna í fíggjarmálum, tá orðaskiftið um fíggjarlógina endaði í gjárkvøldið.

Kaj Leo Holm Johannesen í Sambandsflokkinum vildi undir orðaskiftinum hava at vita, um samgongan telur Sonju Jógvansdóttir við, tá hon telur atkvøðurnar fyri fíggjarlógini.

SÍ EISINI Varandi tiltøk setast í verk

Tí sambært tingmanninum tók Sonja Jógvansdóttir ikki undir við uppskotinum í framløgu sínari í tinginum. Sonja Jógvansdóttir er við, sigur Kristina Háfoss.

Sjálv segði Sonja Jógvansdóttir, at tey eru 17 fyri fíggjarlógaruppskotinum. Men hon saknar nógv í uppskotinum hjá landsstýrinum, segði hon.

Uppskotið um fíggjarlógina fyri 2017 er nú í Fíggjarnevndini hjá Løgtinginum. Næsti løgtingsfundurin verður týsdagin 18. oktober.