Yvirlit: Hesi vunnu norðurlandaráðsvirðislønir

Svenska Katarina Frostenson vann bókmentavirðislønina fyri yrkingasavnið ”Sånger och formler.”

Hans Abrahamsen úr Danmark vann tónleikavirðislønina fyri verkið “Let Me Tell You.”

Virðislønin fyri ársins film fór til norðmennirnar Joachim Trier, Eksil Vogt og Thomas Robsahm, sum hava gjørt filmin "Louder Than Bombs."

SÍ EISINI Kunngjørt vinnaran ov tíðliga

Íslendski Arnar Már Arngrímsson hevur skrivað bókina "Sölvasaga unglings," og fekk við henni virðisløn fyri barna- og ungdómsbókmentir.

Donsku, Stian Olesen og Klaus B. Pedersen, fingu umhvørvisvirðisløn fyri appina ”Too Good To Go,” sum millum annað hjálpir brúkarum og krambúðum at sleppa undan matspillu.

Carl Jóhan Jensen, Bárður Oskarsson og tónleikabólkurin Orka vóru eisini innstillað til virðislønirnar hjá Norðurlandaráðnum týskvøldið. Vinnararnir fáa 350.000 krónur.