Dómararnir tosa ikki føroyskt

Dómararnir tosa ikki føroyskt
Fólkatingsmaður vil nú vita, hvussu nógvir landsdómarar tosa føroyskt og hvussu nógvir teirra hava innlit í føroyska samfelagið
Tórbjørn Jacobsen vil vita, hvat er gjørt seinastu 20 árini fyri at geva landsdómarum innlit í føroysk viðurskifti
 
08.12.2016 - 09:06

Men fleiri teirra skilja føroyskt og duga at lesa føroyskt eitt sindur. Eystari landsrættur fær javnan kunning frá Ríkisumboðsmanninum um, hvat hendir í Føroyum.

Tað sigur Søren Pape Poulsen, sum nú er løgmálaráðharri í Danmark, í svari til Tórbjørn Jacobsen, fólkatingsmann. 

Tórbjørn Jacobsen spurdi, hvussu nógvir landsdómarar tosa føroyskt og hvussu nógvir teirra hava innlit í føroyska samfelagið.

Vil vita, hvat er gjørt

Tórbjørn Jacobsen spurdi eisini, hvat er gjørt seinastu 20 árini fyri at geva landsdómarum innlit í føroysk viðurskifti.

Í nógvum førum hava dómarar í Landsrættinum seinasta orðið í málum um føroysk viðurskifti burturav, sigur Tórbjørn Jacobsen.

Løgmálaráðið spurdi Domstolsstyrelsen, hvussu vorðið er við tí føroyska í Landsrættinum.

Aðrir skilja føroyskt

Fýra dómarar í Vestari landsrætti, ikki Eystari, sum hevur Føroyar, lesa og skilja føroyskt, tí teir hava arbeitt í Føroyum í tvey ár, antin hjá Ríkisumboðnum ella í Føroya rætti. Men teir tosa ikki føroyskt og duga heldur ikki at skriva føroyskt.

Sambært svarinum verður dentur lagdur á, at rættarformaðurin og hjálparformaðurin hava áhuga fyri føroyskum samfelagsviðurskiftum, mentan og rættarviðurskiftum, tá fólk verða sett í dómarastarv í fimtu deild hjá Eystari landsrætti.

Tey, sum verða sett, skulu eisini vera í deildini longur enn tvey ár, so tey fáa gott innlit í føroysk viðurskifti.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565