Bjørt Lind er ársins Brita

Bjørt Lind, sálarfrøðingur, er ársins Brita 2026.

Dómsnevndin, Brandur Mortensen Nolsøe, Tóra Effersøe Mortensen og Rønn Eliasen, sigur um Bjørt, at hon er ótroyttilig í sínum stríði fyri rættvísari samfelagi.

Hon er á fleiri hermótum í senn. 

Hon er ósjálvsøkin limur í grasrótarrørslum, men tó tekur hon í egnan barm, tá á stendur. 

Hon er ein, sum onnur kunnu dúva upp á, tá mótstøðan gerst ljót og hørð.

Sum umboð fyri felagsskapir sum Damudomi, Kyn, LGBT+ og Frítt val hevur Bjørt Lind áhaldandi framt endamál felasskapanna bæði sakliga, virðiliga og við støði í sínum egnu fakliga grundarlagi sum sálarfrøðingur og sexologur, sigur dómsnevndin.

Bjørt Lind var útnevnt ársins Brita á tiltaki í Mentanarhúsinum í Fuglafirði á altjóða kvinnudegnum 8. mars.