Høgni Hoydal fær óvæntaðan stuðul

Veðurtænastan er yvirtikið málsøki, men í løtuni verða bara mátingar gjørdar í Føroyum. 

Sum er starvast eingin veðurfrøðingurin í Føroyum og veðurforsøgnir verða keyptar frá danska veðurstovninum DMI fyri 1,8 milliónir um árið. 

Høgni Hoydal hevur sett skjøtul á eina føroyska veðurtænast, og í hesum arbeiðnum fær hann stuðul frá Fólkaflokkinum.  

Jørgen Niclasen, formaður í Fólkaflokkinum, tekur fult undir við átakinum hjá landsstýrismanninum

- Í dag rinda vit lønir niðri í Danmark, rinda vit tær her, kunna vit fáa ein fínan veðurstovn á flogvøllinum, sigur Jørgen Niclasen.

Jørgen Niclasen leggur dent á, at ein føroyskur veðurstovnur hoyrir heima á flogvøllinum í Vágum.