Svimjing: Fleiri gull til Føroyar í Reykjavík

Føroysku svimjararnir hava staðið seg sera væl í altjóða kappingini í Íslandi.

Í kvøld vunnu tey átta heiðursmerkir, skrivar svimjing.com

Sára Nysted og Róland Toftum, bæði úr Suðuroyar svimjifelagi, vunnu gull í ávíkavist 400 m. frí og 50 m. bringu.

Sára Nysted vann eisini bronsu í 200 m. rygg.

Magnus Jákupsson, sum umboðar Farmum og Danmark vann eisini gull. Hann kom fyrst á mál í 100 m. kappingini.

Signhild Joensen úr Ægir vann silvur í 50. og 200 m. rygg.

Ásbjørg Hjelm úr Ægir vann bronsu í 100 m. bringu

Hugin Næs Lave úr Suðuroyar svimjifelag vann bronsu í 200 m. blandað.