Neistin vann oddadystin

Tað vera helst Neistin og Kyndil, ið koma at spæla FM-finaluna í hondbólti.

Neistin tryggjaði sær sítt finalupláss við sigrinum í dag, og alt bendir eisini á, at tær fara í finaluna sum eittari.

Í dag vunnu tær 19-14 á Kyndli. Hálvleiksstøðan var 10-7 til Neistan.

Toppskjútti hjá Neistanum bleiv Birita Ingólfsdóttir við fýra málum. 

Bjarrta Johansen og Anna Brimnes blivu toppskjúttar fyri Kyndil við fimm málum hvør.

Úrslitið hevur við sær, at Neistin nú er fýra stig frammanfyri Kyndil. Neistin hevur tó spælt ein dyst meira.

Støðan

1. Neistin, 28 stig, 16 dystir

2. Kyndil, 24 stig, 15 dystir

3. VB, 17 stig, 15 dystir

4. VÍF, 13 stig, 14 dystir

5. Stjørnan, 6 stig, 16 dystir

6. StÍF, 4 stig, 16 dystir