Dragin og Norðlýsið ikki verd at varðveita

Søvn Landsins halda ikki, at Norðlýsið og Dragin eru verd at varðveita longur, og tí hava tey mist allan stuðul til viðlíkahald og rakstur.

Hetta niðurlaðar sjálvbodna arbeiðið, sum er gjørt fyri at varðveita gomlu træskipini fyri eftirtíðina, sigur formaðurin í Grunninum fyri Dragan.

Landsstýrismaðurin, sum setti lógina í verk í 2013, sigur, at hetta er eitt beinleiðis lyftisbrot.

Virkandi stjórin á Søvnum Landsins, Rúni Rasmussen, sigur, at nøkur skip hava kært avgerðina, og meðan málini verða viðgjørd, hava Søvn Landsins onga viðmerking.

Kærufreistin er úti 20. apríl.

Í innslagnum verður sagt, at lógin kom í gildi í 2003. Tað rætta er 2013.

Haldið okkum til góðar.