Gull til Føroyar

Føroyskar borðtenniskvinnur vunnu í gjár gull í millumtjóðakapping, har Grønland, Ísland og Føroyar luttaka.

Henrietta Nielsen, Anna Mikkjalsdóttir og Durita F. Jensen vunnu allar dystirnar: 4-1 móti Íslandi, 4-1 móti Grønlandi og 4-1 móti Grønlandi 2. 

Hini liðini fingu javnt stigatal, tey vunnu ein dyst hvør 3-2, taptu ein dyst hvør 2-3, og øll taptu við somu dystarstigum móti Føroyum.

Tað vil siga, at øll endaðu við settmuninum 6-9, skrivar Borðtennisfelag Føroya á síni heimasíðu.

Í liðkappingini hjá monnum restar eitt umfar í, og kappingin heldur fram í dag við tvímansleiki hjá kvinnum, blandaðum tvímansleiki og einmansleiki hjá kvinnum. Somuleiðis fara menninir at avgreiða tvímansleikin.

Hinar finalurnar verða í morgin, sunnudagin kl. 1500 í Hoyvíkshøllini.