Minni av norðhavssild

Nakað minni er av norðhavssild enn seinastu trý árini norðan fyri Føroyar. Hinvegin er nakað meira av svartkjafti skrásettur

Sildin er sum heild stór, men í ár var eisini smærri sild fingin á nøkrum støðum. Magnus Heinason kom fyrr í vikuni aftur av silda- og svartkjaftakanningum norðan fyri Føroyar

Høgni Djurhuus

Bjarni Mohr

18.05.2017 - 16:30

Serliga í syðra parti av kanningarøkinum og eystur móti markinum var minni norðhavssild at síggja í ár. Hinvegin var nakað meira av svartkjafti skrásett enn undanfarin ár.

Magnus Heinason kom mánadagin aftur av silda- og svartkjaftakanningum norðan fyri Føroyar, skrivar Havstovan. Sum undanfarnu árini er sildin sum heild stór, men í ár var eisini smærri sild fingin á nøkrum støðum.

Mestsum einki av ársgomlum svartkjafti var at síggja. Kanningin er skipað sum altjóða felagskanning, sum ICES samskipar. Føroyar eru saman við Noregi, Íslandi, Danmark og Russlandi.

Hini skipini gera framvegis kanningar norðan fyri Føroyum. Ein meting av øllum sildastovninum verður gjørd seinni í summar, tá úrslitini frá øllum skipunum verða tøk, sigur Havstovan.