ES og USA ósamd um veðurlagsbroytingar

Samd um Ukreina og yvirgang, men ósamd um veðurlagsbroytingar, handilsavtalur og Russland. 

Hetta var niðurstøðan eftir fundin millum amerikanska forsetan Donald Trump og forsetan í ES, Donald Tusk. 

Amerikanski forsetin er í hesum døgum á síni fyrstu vitjan í Evropa. 

Í dag var hann á vitjan í Brúsel og hitti fleiri leiðarar í ES. 

- Vit eru samdir um nógv. Serliga lóggávu móti yvirgangi, segði Donald Tusk eftir fundin.

Forsetin í ES segði tó, at partarnir stóðu longur frá hvørjum øðrum, tá talan var um veðurlagsbroytingar og handilsavtalur.