Tørvur á fiskivinnusavni

Stállínuskipini høvdu ein avgerandi týdning fyri føroyska samleikan, og tí er umráðandi, at vit siga søguna um hetta tíðarskeiðið.

Tað heldur Leif Abrahamsen, fyrrverandi formaður í Føroyagrunninum, sum ætlar at seta á stovn eitt fiskivinnusavn kring gamla línuskipið, Nónhamar.

Fyrstu metingarnar siga, at arbeiðið at umvæla Nónhamar og at byggja savnið fer at kosta umleið 50 milliónir krónur.