Bílari streymur til el-bilar og hitapumpur

Landsstýrið ætlar at loyva SEV at selja teimum, sum hava elbilar og hitapumpur, bíligari streym. 

Í fráboðan frá landsstýrisrkvinnunum Sirið Stenberg og Kristinu Háfoss stendur, at eftir ólavsøku kemur uppskot um lóg, sum skal gera el til hitapumpur og til elbilar bíligari. 

Tær siga, at arbeitt verður eisini við tilmælum um onnur ítøkilig uppskot um átøk fyri at røkka málinum hjá SEV, sum er 100 prosent grøn orka í 2030.

SEV vil hava lógarbroyting

SEV boðaði frá fyri meira enn einum ári síðani, at SEV vil selja bíligari streym til teirra, sum hava elbil ella hitapumpu, tað eru tey, sum brúka grøna orku.

SEV eftirlýsti tá lógarbroytingina, sum loyvir tí.

Sambært landsstýrinum kemur hon í løgtingið eftir ólavsøku í ár.