Fyrsta afturlatna uppboðssølan verður í dag

Fyrsta afturlatna uppboðssølan verður í dag hjá Vørn.

Ætlanin er at selja 5.447 tons av makreli og 1.721 tons av botnfiski í Barensthavinum, 1.107 tons í russiska partinum og 614 tons í tí norska.

Tey, sum eiga fiskiskip undir føroyskum flaggi, men ikki veiðiloyvi, ella føroyskt partafelag ella smápartafelag, sum skjalprógvar avtalu um, at ávíst fiskifar undir føroyskum flaggi fiskar keyptu kvotuna, skulu boða Vørn frá í seinasta lagi tríggjar viku frammanundan.

Vørn vil einki siga annars um uppboðssøluna í dag.