Borgarstjórin lovar batar

Annika Olsen, borgarstjóri, kann ikki góðtaka, at tað gongur so illa at manna kommunulæknastørvini í høvuðsstaðnum.

Hon fer á fund við Sirið Stenberg, landsstýriskvinnu í heilsumálum, seinni í mánaðinum, og har fer hon at reisa spurningin um at seta fleiri kommunulæknar í Havn.

Annika Olsen sigur, at kommunan fer at bøta um hølisviðurskiftini hjá kommunulæknunum.