Harðskapur á vertshúsi í Klaksvík í gjárkvøldið

Politiið kannar eitt harðskapsmál í Klaskvík.

Ein maður varð sligin niður á einum vertshúsi um hálvgumellivu í gjárkvøldið.

Poltiið hevur avhoyrt mannin, sum skal hava sligið, og vitni, sum sóu hendingina.

Bilrútar og teldil

Ein rútur er brotin í einum bili í Klaksvík, og tað sama hendi á Tvøroyri.

Á Tvøroyri var tann, sum breyt, sæddur á staðnum. Hann gjørdi ikki mætari enn at bjóða sær til at gjalda knústa bilrútin, sigur poltiið.

Í morgun er boðað frá innbroti í gomlu brandstøðina í Havn, har sum Reinhaldið hjá kommununi er. 

Óbodni gesturin ella óbodnu gestirnir eru farnir niður gjøgnum eitt takvindeyga ella ein lúku í takinum og út aftur sama veg.

Sum skilst er bara ein teldil tikin á staðnum. Politiið sigur seg hava spor at elta.