Jóhan Troest aftur til NSÍ

Heimasíðan hjá NSÍ skrivar í kvøld, at landsliðsspælarin, Jóhan Troest Davidsen, hevur skrivað sáttmála við barndómsfelagið.

29 ára gamli verjuspælarin hevur umboðað HB síðan 2012, har hann eisini hevur verið liðskipari.

Jóhan Troest Davidsen er skrásettur fyri 35 A-landsdystir fyri Føroyar.

NSí telist millum feløgini, sum framvegis ikki hevur sett venjara fyri komandi ár.

Anders Gerber var venjari hjá NSÍ í 2016 og 2017, men hann er farin til danska felagið Skive.

mynd: nsi.fo