Nýggjur dagur í trimum londum: útnorðurdagur

Nýggjur dagur í trimum londum: útnorðurdagur
Londini í Útnorðri hava gjørt avtalu um samstarv um mentan
Rigmor Dam, Doris J. Jensen úr Grønlandi og Kristjan Þór Júlíusson úr Íslandi, sum varða av undirvísing, gransking og mentan, skrivaðu í gjár undir avtalu um samstarv um mentan.
Mynd: Mentamálaráðið  
 
02.11.2017 - 07:02

23.september, heystjavndøgur, verður nú útnorðurdagur hvørt ár.

Tey trý londini í Útnorðri, Ísland, Grønland og Føroyar, hava gjørt avtalu um samstarv um mentan.

Hon kemur í gildi á nýggjárinum.

Í avtaluni verður bara eitt ítøkiligt tiltak nevnt. Tað er útnorðurdagurin, sum skal hátíðarhaldast árliga í øllum trimum londunum, tá heystjavndøgur er.

Tá er ætlanin at leggja dent á søguna og mentanina í londunum fyri at økja um samstarvið og felagsskapin, sigur Mentamálaráðið í tíðindaskrivi.

Umfatandi samstarv

Annars sigur avtalan, at samstarvið verður um fígging, upplýsing og samskipan.

Eggjað verður til samstarv millum stovnar og felagsskapir.

Hesi fyrstu fýra árini fara londini at arbeiða við verkætlanum um film, telduspøl, sjálvboðið arbeiði og mál.

Fjórða hvørt ár verður avtalað, hvørji onnur tiltøk og arbeiðsøki, samstarvið skal fevna um.

Fyrstu ferð slík samstarvsavtala um mentan, gransking og undirvísing í Útnorðri varð undirskrivað var í 1996.

Í nýggju avtaluni verður dentur serliga lagdur á samstarvið um mentan.
 

Er kopiera
Nýggjastu sendingar í ÚV
Mánadag 13. januar
Dreymsótt 13.partur
186216
Mánadag 13. januar
Orðaval #8 - jól og veður
186210
Mánadag 13. januar
Góðan morgun Føroyar
186207
Mánadag 13. januar
Morgunlestur: Mánadagur 13.januar 2025
186197
Sunnudag 12. januar
Bolero - Tónleikur til veturin
186189
Nýggjastu sendingar í SV
Mánadag 13. januar
Við Gutta á fjalli - teknmálstulkað
186212
Mánadag 13. januar
Hansina - teknmálstulkað
186205
Sunnudag 12. januar
Guðstænasta úr Vestmanna kirkju
186190
Leygardag 11. januar
Nýggjárskonsertin 2025
186182
Fríggjadag 10. januar
Dagur og vika - teknmálstulkað
186125