Landsstýrismaðurin: Í lagi at krevja gongugjald til Slættaratind

"Sjálvandi skulu ferðafólk gjalda fyri at uppliva føroysku náttúruna.“

Tað sigur Jacob Vestergaard, landsstýrismaður í vinnumálum. Hann sær sum so einki skeivt í, at ferðafólk skulu gjalda fyri at uppliva náttúru og onnur ferðamál í Føroyum.

Jacob Vestergaard

Í vikuni hevur verið nógv tosað um nýggja gongugjaldið á Slættaratindi. Tvey skelti eru sett upp, sum vísa útlendskum ferðafólkum á eina heimasíðu, har tey kunnu rinda 200 krónur fyri at ganga á Slættaratind.

Sambært Frihedsbrevet eru tað tær umleið 30 familjurnar, sum eiga hagan, ið hava gjørt av at seta gjaldið.

Hagastýrisformaðurin sigur, at lendið er illa slitið, og at pengarnir millum annað skulu brúkast til gøtu, vesi, vatn og streym. Uttan inntøkur kann gerast neyðugt at steingja atgongdina til Slættaratind, sigur hann.

Hoyr innslag í útvarpstíðindunum: