Taka støðu til fleiri tiltøk

Óluvá í Gong, forkvinna, sigur, at tey ikki hava tikið støðu enn, tey bíða eftir, um tey frætta frá Fíggjarmálaráðnum. Men seinnapartin fara tey at taka støðu til, um tiltøkini skulu víðkast.

KLokkan 10 fer felagið at hava fund við tey, sum eru farin í verkfall. Talan er um tilsaman 30 limir, ið eru í arbeiðssteðgi.

Fríggjadagin fóru narkosusjúkrasystrarnar í verkfall, og klokkan 8 í morgun var arbeiðssteðgurin víðkaður, so sjúkrarøktar-fakligu varastjórarnir á øllum trimum sjúkrahúsunum fóru í verkfall. Eisini leiðarin á Uttanlandstænastuni, depilsleiðarar á kirurgiska og medisinska deplinum á Landssjúkrahúsinum og haraftrat allir deildarleiðarar og varadeildarleiðarar á øllum sjúkrahúsunum - undantikið á psykiatriska deplinum, eru farin í arbeiðssteðg.