Kunngerðin kom í juli, Váðaráðið ikki sett enn

Kunngerðin kom í juli, Váðaráðið ikki sett enn
Fimm fólk skulu í Váðaráðið, men tey eru ikki øll funnin enn
Bara ein limur er í Váðaráðnum, stjórin í Landsbankanum, Malan Johansen, sum sambært lógini er forkvinna í ráðnum.
 
17.11.2017 - 13:00

Hóast kunngerðin um Váðaráðið kom 1.juli, er ráðið ikki sett enn. 

Tey, sum skulu tilnevna fólk í ráðið, hava ikki funnið øll fólkini enn. 
Fíggjarmálaráðið boðaði í summar frá við kunngerð, at parturin í lógini um Landsbankan um føroyska váðaráðið, varð settur í gildi 1.juli sum ætlað.
Føroya váðaráð skal tryggja, at føroyskir myndugleikar í góðari tíð fáa ávaringar um fíggjarligar váðar í samfelagnum, og tilmæli um átøk, sum kunnu fyribyrgja, at fíggjarligir váðar gerast til framtíðar fíggjarkreppur.

Føroya váðaráð fer at lata Skráseting Føroya, Tryggingareftirlitinum ella landsstýrinum tilmæli og ávaringar.

Føroya váðaráð skal eisini geva peningastovnunum í Føroyum ávaringar og tilmæli, hóast bankar og sparikassar í Føroyum eru danskt málsøki og tí eru undir danska váðaráðnum, Det Systemiske Risikoråd.

Í Váðaráðnum vera fimm fólk og fimm varafólk.

Stjórin í Landsbankanum verður forkvinna í ráðnum.

Landsbankin tilnevnir tvey fólk í ráðið og landsstýriskvinnan tvey, Búskaparráðið tilnevnir eitt fólk í ráðið.

Løgmaður velur síðani Váðaráðið. 


 

Er kopiera
Nýggjastu sendingar í ÚV
Nýggjastu sendingar í SV
Týsdag 4. mars
Veðrið
188646
Sunnudag 2. mars
Guðstænasta úr Hoyvíkar kirkju
188513
Fríggjadag 28. februar
Veðrið
188455
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417