Sendistovan í Keypmannahavn ikki sett til viks

Sendistovan í Keypmannahavn ikki sett til viks
Hóast skeiðið hjá sendimanninum fyri langari tíð síðani er farið, heldur hann fram sum virkandi sendimaður. men býr og arbeiðir í Føroyum
Føroyska sendistovan er á Norðuratlantsbryggjuni í Keypmannahavn. Har arbeiða tvey fólk fulla tíð.
 
18.01.2018 - 11:55

Landsstýrið hevur onga ætlan um at lata sendistovuna í Keypmannahavn aftur, ella ikki at hava føroyskt sendifólk har.

Tað skilst á svarinum hjá Poul Michelsen, landsstýrismanni, til Edmund Joensen, løgtingsmann.

Poul Michelsen svarar, at skeiðið hjá virkandi sendimanninum í Keypmannahavn var úti á heysti í 2016.

Men avgjørt varð tá, ikki at seta nýtt sendifólk alt fyri eitt. 

Sendimaðurin skuldi halda fram sum virkandi sendimaður, við bústaði í Føroyum og starvi í Uttanríkis- og vinnumálaráðnum. Hetta er ikki óvanligt.

Javnan í Danmark

Sendimaðurin er við jøvnum millumbili á sendistovuni í Keypmannahavn og røkir uppgávur og avgreiðir mál, sum starvið sum sendimaður krevur.

Harumframt samskiftir sendimaðurin regluliga við fólk, sum seta seg í samband við sendistovuna, sigur Poul Michelsen í svari sínum.

Hóast eingin sendimaður hevur verið staðsettur í Keypmannahavn í eina tíð, merkir tað ikki, at virksemið har er niðurlaðað, stendur í svarinum frá Poul Michelsen. 

Sendistovan verður framhaldandi partur av uttanríkispolitiska virksemi Føroya fyri til fulnar at røkja føroysk áhugamál í Danmark. 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592