Ávara um flóðaldu í Kanada

Ávara um flóðaldu í Kanada
Myndugleikarnir í Alaska hava sent út ávaring um flóðaldu, eftir jarðskjálvtan í morgun, sum varð mátaður til 7,9 í styrki
 
23.01.2018 - 11:46

Jarðskjálvtin í morgun var 10 kilometrar undir havbotninum, - nærum tríggjar fjórðingar í landssynning úr oynni Kodiak í amerikanska deilstatinum, Alaska.

Ávaringin um flóðaldu fevnir um Alaska og British Columbia í Kanada, sambært heimasíðuni Tsunami.gov.

Ein boya skrásetti eina 10-metrar høga aldu í landnyrðing - beint norðanfyri jarðskjálvta-miðdepilin. Og aldan kann raka Kodiak hvørja løtu. 

Fleiri flóðaldur

Tveir tímar kunnu ganga, áðrenn aldan møguliga rakar Britsh Columbia, og uppaftur longri tíð til hon kann raka amerikonsku vesturstrondina. Fólk í hesum vandaøkjum hava fingið boð um at fara burtur frá sjónum og niðan í hæddirnar.

Myndugleikar ávara um, at fleiri flóðaldur kunnu koma, og at ikki er vist, at fyrsta flóðaldan sum rakar, er hin størsta. Ávaring er eisini send út fyri strondina í Kalifornia og Oregon og pørtum av deilstatinum Washington um at vera á varðhaldi fyri flóðaldu. 

Eisini í Hawaii heita myndugleikarnar á fólk um at vera á varðhaldi fyri møguligum jarðskjálvtaaldum.

Á sosialu miðlunum skriva fólk, at jarðskjálvtin merktist í stórbýnum, Anchorage, í Alaska, sum er fleiri hundrað kilometrar frá Kodiak.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592