Líka løn fyri sama arbeiði

Ovast á dagsskránni í Davos er líka løn fyri sama arbeiði. Tað skal vera vegurin til búskaparliga framgongd.

Men tað hendi í Íslandi fyri nógvum árum síðani.

World Economic Forum ger hvørt ár eina meting av javnrættindunum í heiminum, og seinastu 9 árini hevur Ísland ligið á odda, meðan eitt nú Danmark er nummar 14.

Íslendski forsætisráðharrin, Katrin Jacobsdóttir sigur við Danmarks Radio, at vøksturin veksur um kvinnur í størri mun eru á arbeiðsmarknaðinum.

Og tann gongdin í Íslandi heldur fram, tí á nýggjárinum kom ein lóg í gildi, sum áleggur bæði almennum og privatum fyritøkum, sum hava fleiri enn 25 fólk í starvi, at prógva, at lønin sum verður rindað, er eins fyri kynini, tá talan er um sama arbeiði.

Forkvinnan í íslendsku javnstøðunevndini fegnast um nýggju lógina, sum skal forða fyri mismuni.

Og íslendski forsætisráðharrin, Katrin Jacobsdóttir fegnst um at Altingið samtykti lógina. Hon hevur stóran broytingar við sær á arbeiðsmarknaðinum, men viðhvørt eru slíkar lógir neyðugar, sigur hon við DR.