Ongar milliónir bara prosent í svari til tingmann

Ongar milliónir bara prosent í svari til tingmann
Kristina Háfoss, landsstýriskvinna, hevur svarað Kára P. Højgaard, tingmanni, um sáttmálan við Pedagogfelagið
Pedagogfelagið, Fíggjarmálaráðið og Kommunala arbeiðsgevarafelagið gjørdu nýggjan trý ára sáttmála sunnunáttina 14.januar.
 
31.01.2018 - 07:06

Ikki er nevnt í svarinum frá Kristinu Háfoss, landsstýriskvinnu, hvussu nógvar milliónir, nýggi sáttmálin við Pedagogfelagið kostar landi og kommunum.

Bara, at lønarbroytingarnar við umflokkingum kosta 6,95 prosent yvir trý ára skeiðið, sáttmálin varar. 

Haraftirat fer hækkaða eftirlønin hjá hjálparfólkum úr tíggju prosentum upp í 12 fyri at javnseta eftirløn hjá námsfrøðingum og hjálparfólkum, sum arbeiða hjá kommunum, at kosta 0,8 prosent yvir trý ár.

Og tímalønt fáa nú eftirlønargjald sambært eftirlønarlógini. Tað kostar 0,4 prosent yvir trý ár. 

Kári P. Højgaard, løgtingsmaður, spurdi, hvussu nógv trý ára semjan við Pedagogfelagið kostar.

Hann undrast á, at tveir partar, Pedagogfelagið og Fíggjarmálaráðið, kunnu vera so ósamdir um úrslitið av samráðingunum, sum endaðu við sáttmála tann 14.januar.

Ongar milliónir í svari

Einki tal er í svarinum, sum sigur, hvussu nógvar milliónir krónur, sáttmálin kostar til 1.oktober 2020.

Men í svarinum stendur nágreiniliga, hvat stendur í sáttmálanum sambært Fíggjarmálaráðnum, millum annað hvussu nógv, lønin hækkar um mánaðin.

Kári P. Højgaard spurdi eisini, hvør langtíðarkostnaðurin er av broytingini í prosentum og krónum fyri land og kommunur, tá komið er á endaløn. 

Eftir 1.oktober 2020

Kristina Háfoss svarar, at allar broytingar í sáttmálanumum verða framdar í sáttmálatíðarskeiðnum. 

Sáttmálin hevur ikki nýggj endastig eftir sáttmálatíðarskeiðið, sum endar 1.oktober 2020. 

Men broytingar kunnu henda eftir tað. 

Verða fleiri á byrjanarstigunum, gerst kostnaðurin minni. Verða fleiri á endastigunum, gerst kostnaðurin størri, sigur Kristina Háfoss. 

 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592