Bjørt spyr Sirið um dálking

Bjørt spyr Sirið um dálking
Bjørt Samuelsen fer at spyrja landsstýriskvinnu í umhvørvismálum, um tað er loyvt kommunum at dálka sjógv og strendur við plastleiðingum
 
06.02.2018 - 14:00

Bjørt Samuelsen í Tjóðveldi fer í morgin at spyrja Sirið Stenberg, landsstýriskvinnu í umhvørvismálum, um tað er loyvt kommunum ella kommunalari havn at dálka sjógv og strendur við plastleiðingum, sum t.d. í sambandi við útbyggingina av Tórshavnar havn.

Hon spyr eisini, hvørji krøv eru til slíkar útbyggingar, tá ið ræður um at dálka umhvørvið og krav um at taka upp eftir sær.

Bjørt Samuelsen sigur, at útbyggingin av Tórshavnar havn hevur havt stóra dálking við sær við plastleiðingum, sum skola upp á land. Hóast víst hevur verið á málið fleiri ferðir, síggjast plastleiðingar rekast allastaðni.

Føroya náttúru- og umhvørvisfelag hevur meldað kommununa fyri plastdálkingina.

Bjørt Samuelsen vil eisini hava at vita, hvat landsmyndugleikin ger, har kommunurnar sjónliga dálka umhvørvið og ikki halda skylduna um at byrgja fyri dálking. 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435