Elorkan skal liberaliserast, sigur Sambandið

Nú eigur elorkan í Føroyum at verða liberaliserað, so hon verður bíligari.

Sambandsflokkurin vil hava løgtingið biðja landsstýrið um at koma við frágreiðing um, hvussu elorkuøkið í Føroyum kann liberaliserast eftir altjóða leisti.

Landsstýrið eigur eisini at leggja fram lógaruppskot um at liberalisera elorkuna. 

Ein liberalisering kann samanberast við tað, sum vit kenna á tele-økinum, sigur Sambandsflokkurin. 

Yvir 500 GWt

Tað kom týðiliga fram á orkuráðstevnuni, sum Sambandsflokkurin skipaði fyri á vári 2017, at skal grøna málið náast, er neyðugt við einari liberalisering.

Skulu skapandi kreftirnar sleppa framat, er neyðugt at opna dyrnar og loyva privatum á elmarknaðin. 

Verandi skipan er alt ov stirvin, sigur Sambandsflokkurin. 

Flokkurin sigur, at ES hevur samtykt, at orkukervi, sum fara upp um 500 GigaWatttímar, skulu liberaliserast.

Føroyar fara upp um 500 GigaWatttímar um fá ár, sigur Sambandsflokkurin.