Slapp við ávaring

Slapp við ávaring
Gunnvá Tróndardóttir Joensen, sum hevur sclerosu, varð ákærd fyri at ætla at flyta inn sjokulátabønur við kannabis í. Gunnvá slapp við ávaring
 
26.02.2018 - 10:37

Fyri løtu síðani varð avgerð tikin í einum serligum rættarmáli um rúsevni. 

Gunnvá Tróndardóttir Joensen, sum hevur sclerosu, varð ákærd fyri at ætla at flyta inn 25 sjokulátabønur við kannabis í. 

Málið hevur verið fyri í Føroya rætti í morgun, og tá var avgjørt, at Gunnvá slapp við ávaring, tað vil siga, at hon ikki fær eina bót.

- Ein ávaring er eisini ein revsing, men tað er tann lægsta revsingin, ein kann fáa. Hetta kemur av tí, at hon ikki er partur av nøkrum narko-umhvørvi, sigur Jógvan Páll Lassen, verji hjá Gunnvá Tróndardottir Joensen, við útvarpið. 

- Hon hevur verið óansin, og hon kennir ikki samanhangin millum hassj, THC og kannabis, sigur hann, og hetta er eisini grundgeving fyri linu revsingini. 

Gunnvá er í serligari støðu, tí hon hevur sclerose, og hetta kom sambært Jógvan Páll Lassen greitt fram í rættinum.

- Nú er hon blivin klók um, at tað var skeivt, og í dag veit hon nógv meira um tað, enn hon visti, tá hon bílegði vøruna, sigur Jógvan Páll Lassen, verji. 

Í oktober hitti Dagur & Vika Gunnvá, har hon greiddi frá, at hon vildi hava heilivág og ikki rúsevni.

Síggj innslagið her: Eigur at vera lættari at fáa kannabisheilivág.

Legalisering av medisinskum kannabis er eisini evnið í Radarinum í dag, sum verður at hoyra í útvarpinum klokkan 17.05.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592