LÍV fíggjar kanska Hotell Atlantic

LÍV fíggjar kanska Hotell Atlantic
Eftirlønarfelagið LÍV, sum hevur stovnað fastognarfelag saman við Atlantic Airways, skal møguliga eisini fíggja ein part av verkætlanini.
Mynd: Kontrast  
 
26.02.2018 - 17:17

Hvussu stór tann upphæddin verður, er ikki møguligt at staðfesta í løtuni, sigur Jan Jakobsen, stjóri á LÍV, ið skal byggja hotell saman við Atlantic Airways. 

Jan Jakobsen vil ikki vísa aftur, at LÍV møguliga eisini verður við at fíggja ein part av verkætlanini. Ein verkætlan, ið verður mett at kosta 120 milliónir krónur, har LÍV eigur 60% og Atlantic Airways eigur 40%.

Jan Jakobsen sigur, at áðrenn LÍV gjørdist partur av verkætlanini, mettu tey um váðan og settu eitt avkastkrav í mun til íløguna.

Hann vil ikki siga, hvussu stórt tað kravið er, ella hvussu stóran hann metir váðan at vera, men einans at verkætlanin er nóg áhugaverd fyri LÍV, at tey vildu gerast ein partur av henni.

Snýr seg um íløguna

Kjak hevur tikið seg upp hvørt íløgan, ið LÍV setur í eitt hotell í Havn, ikki eins væl var brúkt uppá á at byggja bústaðir. Tað er eingin loyna, at bústaðarneyðin er stór hjá nógvum og millum annað hevur Tórshavnar kommuna sett átøk í verk, ið skulu bøta um tann trupulleikan.

Jan Jakobsen sigur, at LÍV hevur verið í ymsum tilgongdum við bústaðarbygging, men at higartil hevur einki av teimum borðið á mál.

Jan Jakobsen sigur, at tá LÍV ger íløgur, so er tað møguleikin fyri avkastið, ið fyrst og fremst ger seg galdandi. Hann sigur, at higartil hevur tað verið torført at fáa trygd fyri íløguna í samband við bústaðarbygging, og tí hava teir ikki sett pengar í higartil.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592