Avleiðingar av Brexit kannaðar

Avleiðingar av Brexit kannaðar
Tað sigur Poul Michelsen, landstýrismaður, í svari til Helga Abrahamsen, løgtingsmann.
 
09.04.2018 - 12:38

Avleiðingar fyri Føroyar av Brexit, - tað er, tá Bretland fer úr ES, verða kannaðar bæði í Danmark og í Føroyum. Tað sigur Poul Michelsen, landstýrismaður, í svari til Helga Abrahamsen, løgtingsmann.
  
Stutt eftir bretsku fólkaatkvøðuna um Brexit setti danska uttanríkisráðið seg í samband við Uttanríkis- og vinnumálaráðið í Føroyum og kunnaði um, at danska stjórnin hevði sett ein Brexit-bólk við umboðum fyri øll stjórnarráðini. 

Sagt varð, at Føroyar skuldi fáa kunning um arbeiðið hjá bólkinum. Samband hevur javnan verið millum Brexit-bólkarnar í Danmark og Føroyum.

Men munurin er, at Danmark er í ES og Føroyar ikki. So fyrireikingarnar í Føroyum eru ikki tær somu sum í Danmark.

Bólkurin í Danmark kannar, hvørjar avleiðingar Brexit fær fyri mál, sum ikki eru yvirtikin, og fyri mál har ES skipanir eisini umfata Føroyar. 

Hjá Føroyum ræður fyrst og fremst um at fáa eitt gott samstarv við Bretland eftir Brexit, ikki minst góð og trygg viðurskifti á handilsøkinum, og fáa fiskiflotanum góða atgongd í bretskan sjógv. 

Uttanríkis- og vinnumálaráðið leiðir arbeiðið hjá Brexit-bólkinum, og fólk úr Fiskimálaráðnum, Løgmansskrivstovuni, Fíggjarmálaráðum og sendifólkini í London og Brússel eru partur av Brexit-bólkinum. 

Poul Michelsen sigur, at sera torført er at siga nágreiniliga, hvussu nógv ársverk talan er um. 

Men mett verður, at talan er um hálvtannað ársverk.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592