Beinleiðis: Føroyar - Ísland

Føroysku kvinnurnar spældu seg tíðliga í 2017 víðari til HM-undankappingina. Nú verður næsti dysturin hjá kvinnunum á heimavølli spældur, tá Føroyar taka ímóti Íslandi. 

Hetta er aðru ferð liðini møtast. Fyrru ferð taptu kvinnurnar 8-0 til íslendsku grannarnar, tá spælt varð í Íslandi.

Umframt hesi bæði liðini eru Slovenia, Kekkia og Týskland eisini í bólkinum. 

Føroyar hava spælt og tapt ímóti øllum londum. 

Føroyar manglar sostatt at spæla heimadyst ímóti Týsklandi og Slovenia. Hesir verða spældir ávikavist tann 4. og 7. september.

Dysturin í morgin ímóti Íslandi verður spældur á Tórsvølli og byrjar klokkan 17.

Kringvarpið vísir dystin beinleiðis í sjónvarpinum og á heimasíðu okkara.

Leinkjuna finnur tú her. Vit byrja at senda klokkan 16.45.