Elnýtslan í Vágs kommunu minkað

- Vit hava seinastu árini arbeitt miðvíst við, at kommunan skal verða ein grøn kommuna og taka ábyrgd, tá ræður at minka um orkunýtsluna og CO2 útlátið, sum stendst av orkunýtsluni í Vágs kommunu, sigur Dennis Holm, borgarstjóri.

Ein orsøk til minkandi streymnýtsluna er, at minni streymur verður brúktur á reinsi- og pumpuverkunum hjá kommununi, og harumframt verða nú brúktar LED-perur til gøtuljós og onnur ljós hjá kommununi.

Samanlagt var elnýtslan hjá Vágs Kommunu í 2017 heili 35 prosent minni enn í 2012.

Elrokningin er sama tíðarskeið farin úr umleið 1,2 milliónum krónum, niður í góðar 800.000 krónur. Sparingin er 385.000 krónur.