Bíða við morgunsanginum til í heyst

Bíða við morgunsanginum til í heyst
Landsstýriskvinnan og tvørpolitiskur bólkur endurskoðar fólkaskúlalógina
Samgongan vil bíða til í heyst við morgunsanginum (tilvildarlig mynd).
 
23.04.2018 - 08:00

Tað er ikki tí, at tey eru í móti morgunsanginum í fólkaskúlanum, men tey fimm samgongufólkini í Mentanarnevndini hjá løgtinginum mæla frá at samtykkja uppskotið hjá Fólkaflokkinum um at seta í fólkaskúlalógina, at allar vanligar skúladagar er álagt øllum fólkaskúlum at hava morgunsang.

Meirilutin í Mentanarnevndini heldur, at tað er týdningarmikið, at morgunsangurin heldur fram sum siðvenja.

Men meirilutin heldur eisini, at landsstýriskvinnan eigur at gera eina kanning, sum greitt lýsir støðuna hjá morgunsanginum í fólkaskúlanum. 

Tvørpolitiskt arbeiði

Landsstýriskvinnan arbeiðir saman við einum tvørpolitiskum bólki við at gera tillagingar og batar í fólkaskúlanum.  

Hetta arbeiðið verður væntandi liðugt í heyst, og betri er at bíða eftir tí, sigur meirilutin í Mentanarnevndini.

Minnilutin í nevndini, Fólkaflokkurin og Sambandsflokkurin, mælir til at samtykkja uppskotið um at áseta morgunsang við lóg.    

Føroyskur dansur

Meðan Mentanarnevndin viðgjørdi uppskotið, fekk hon bræv frá landsfelagnum Sláið ring, sum undrast á fyrivarnið í fólkaskúlalógini um føroyska dansin. 

Í lógini stendur, at børn skulu, tá foreldrini krevja tað, sleppa undan at vera við í føroyskum dansi. 

Hesa grein vil Sláið ring hava strikaða.

Er kopiera
Nýggjastu sendingar í ÚV
Leygardag 25. januar
Vikan 25. januar 2025
186848
Leygardag 25. januar
Upp á tá - 240125
186847
Leygardag 25. januar
Morgunlestur leygardagur 25. januar 2025
186428
Fríggjadag 24. januar
Vikuskiftið 24 januar 2025
186820
Nýggjastu sendingar í SV
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749
Týsdag 21. januar
Veðrið
186636
Sunnudag 19. januar
Guðstænasta úr Hvannasunds kirkju
186535
Leygardag 18. januar
Andakt við Silasi Olofson - teknmálstulkað
186519