Wozniacki skal heiðrast

Eins og donsku EM-hetjurnar gjørdu tað í 1992, skal Caroline Wozniacki heiðrast á Ráðhúsplássinum í Keypmannahavn.

Hetta verður mánadagin tann 30. apríl, tá Caroline Wozniacki fer at veitra av altanini á Ráðhúsinum í Keypmannahavn, boðar danska tennisssambandið frá á heimasíðuni tennis.dk.

Fyri umleið trimum mánaðum síðani vann Caroline Wozniacki grand slam kappingina, Australian Open, men hetta hevur ikki verið hátíðarhildið alment í Danmark - ikki fyrr enn mánadagin klokkan 12 danska tíð.

Mánakvøldið spælir Wozniacki sokallaðan vinardyst móti Venus Williams í Parkini.