Føroyar vunnu 3-1 á Skotlandi

Hóast ringa byrjan, har Føroyar vóru aftanfyri 8-0 móti Skotlandi í fyrsta setti, vann U-19 landsliðið hjá kvinnum 3-1 á skotum.

Fyrsta settið vunnu skotar 25-21, eftir at Føroyar vunnu nógv inn aftur, eftir vánaligu byrjanina.

Annað settið tókur Føroyar 25-21

Triðja settið vunnu Føroyar 27-25.

Flogsambandið skrivar, at seinasta settið var rein uppvísing frá Føroyum. Hetta settið endaði 25-14, og harvið hava Føroyar tryggja sær fyrstu stigini í kappingini.

Sambært Jákupi Villiam Sivertsen, hjálparvenjara, var føroyska liðið betri enn tað skotska, men spælararnir vóru sera nervøsir við byrjan á fyrsta settinum.

Næsti dystur hjá Føroyum verður í morgin klokkan 15.00 móti Luxemborg, sum verður mett at verða eitt tað sterkasta liðið í bólkinum.

Umframt Føroyar eru Liktenstein, Luksemborg, Skotland og Wales í bólkinum.

Týsdagin spæla føroysku kvinnunar tveir dystir. 

Tann fyrri byrjar klokkan 9.00 og verður ímóti Liktinstein. Klokkan 15.00 týsdagin spæla Føroyar seinasta dystin ímóti Wales.