Sáttmálin longdur til á midnátt í annaðkvøld

Tey fimm arbeiðarafeløgini og Føroya arbeiðsgevarafelag hava avgjørt at leingja sáttmálan frá 2016 til í annaðkvøld á midnátt. 

Sáttmálin fór úr gildi á midnátt, men samráðingarnar um nýggjan sáttmála eru í gongd, og tí verður sáttmálin longdur. 

Arbeiðaradagin 1. mai, sum er í dag, halda arbeiðarafeløgini frí frá samráðingum, og samráðingarnar verða tí tiknar uppaftur í morgin 2. mai tíðliga. 

Neyðugt verður helst at samráðast í nakrar dagar afturat, skiltist á báðum pørtum í gjár, tí enn eru lønarkrøvini ikki umrødd av álvara.

Samráðingarnar byrjaðu 23. mars.