Ráðstevna um Arktis

Týsdagin og mikudagin verður ráðstevna í Havn um Arktis.

Tað er Uttanríkis og Vinnumálaráðið, ið skipar fyri.

Vertur eru Ólafur Ragnar Grímsson, formaður í Arctic Circle og fyrrverandi forseti Íslands, og Poul Michelsen, landsstýrismaður í uttanríkis- og vinnumálum.

Høvuðsevnini á ráðstevnuni eru  Vinnuligar vakstrarmøguleikar, Samferðslu og infrakervi, demografiskar avbjóðingar fyri londini í Arktis.

Millum røðararnar eru Sigurður Ingi Jóhannsson, íslendskur samferðslumálaráðharri, og fyrrverandi forsætisráðharri Íslands, Gao Feng, arktiskur sendiharri hjá Kina Anne-Marie Coninsx, sendikvinna hjá ES fyri Arktis og
Anders Samuelsen, danskur uttanríkisráðharri.

Meira enn 100 útlendskir luttakarar eru á ráðstevnuni, sigur Uttanríkis og Vinnumálaráðið í tíðindaskrivi.