Føroysku rógvararnir nærkast Kuba

Føroysku rógvararnir nærkast Kuba
Gongst sum ætlað, kemur manningin umborð á Saga til Kuba í kvøld
 
12.05.2018 - 08:59

Drúgva ferðin, sum byrjaði í februar í ár yvir um Atlantshav, fer væntandi at enda nú.

Tí gongst sum ætlað, kemur báturin Saga til Kuba seint í kvøld føroyska tíð.

Tað eru teir tríggir føroyingarnir Niklas Olsen, Jákup Jacobsen og Jógvan Clementsen, sum saman við Isaac Giesen úr Nýsæland, hava róð bátin, Saga, tvørtur um Atlanshav.

Rúni Winther Johnsen, sum er talsmaður fyri manningina, sigur í morgun við Kringvarpið, at Saga væntandi kemur til Kuba um 23-tíðina í kvøld. Manningin hevur ætlanir um at stroyma beinleiðis tá, men enn er ikki greitt, hvussu sambandið er har á leiðini.

Endamálið við ferðini er at seta sjóneykuna á vatntrot í Afrika.  

Tá ferðin byrjaði í Portugal í februar, taldi manningin seks mans, men tveir teirra valdu at fara av bátinum, tá ferðin bleiv seinkað orsakað av veðri.

Eftir ein lítlan steðg á Kuba, har tað eisini verður skipað fyri hátíðarhaldi, er ætlanin at fara til Miami í USA, har ferðin veruliga endar.

Tá hava teir fýra menninir umborð á Saga sambært heimasíðuni rowforwater.org róð tilsamans 13.000 kilometrar.

 

Er kopiera
Nýggjastu sendingar í ÚV
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Leygardag 22. februar
Vikan 22. februar 2025
188150
Nýggjastu sendingar í SV
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097