Kreppufundur í Bruxelles

Kreppufundur í Bruxelles
ES-leiðarar høvdu í gjár kreppufund um flóttar, og eftir fundin eru leiðararnir samdir um, at nógv gott kom burturúr fundinum, sum byggjast kann á.
 
25.06.2018 - 09:15

- Tað vóru bara fáir spurningar, sum semja ikki var um, segði týski samveldiskanslarin, Angela Merkel eftir fundin.

Danski forsætisráðharrin, Lars Løkke Rasmussen, lat eisini væl at fundinum. Hann helt, at talan var um eitt gott orðaskifti. Ikki minst var semja um, hvat ES skal gera við støðuna.

Eisini spanski forsætisráðharrin, Pedro Sanchez, var væl nøgdur við fundin.

Angela Merkel sigur, at flóttafólkini og tey, sum ynskja at flyta til Evropa, er ein felags avbjóðing fyri øll londini.

- Tað kann ikki vera rætt, at tað einans eru londini, sum liggja í útriðini, sum hava allar avbjóðingarnar, meðan hini londini bara taka ábyrgd av teimum, sum fara inn í Evropa, segði hon.

Hon segði seg vera samda við Italia, sum nú krevur, at hini londini í ES taka ábyrgd av flóttafólkum, sum verða bjargað í Miðalhavinum. Vit kunnu ikki framhaldandi lata tey londini standa við ábyrgdini, segði Merkel. Tí er neyðugt at londini í felag taka ábyrgd.

16 av teimum 29 limalondunum í ES vóru við á fundinum, og hósdagin verður ein nýggjur fundur, har øll ES londini vera við.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592