Fimm góð ráð til pisurnar

Hugsið um, hvussu tit eru, og hvørji tit eru, heldur enn hvat tit eru.

Hetta var eitt av góðu ráðunum, sum Eydna Skaale gav teimum ungu á pisufundinum í viðarlundini hósdagin, tá hon var gestarøðari.

Røðan snúði seg um fimm lærdómar frá lívinum, sum Eydna Skaale heldur, at nýklaktu pisurnar skulu vita um.

Hetta eiga pisurnar sambært Eydnu Skaale at leggja sær í geyma, nú tær fara á flog:
 

1: Tíðin rennur.
2: Tað ger, at alt fær sín enda, og tí ræður um at varnast og gleðast um tær smáu virðismiklu løturnar – eins væl og tær stóru.
3: Hugsið um, hvussu tit eru og hvørji tit eru, heldur enn hvat tit eru.
4: Tí lívið gongur upp og niður, og tað eru relatiónirnar við onnur, sum hava størstan týdning. At tit eru vinarlig og virðilig móti øllum; hjálpsom, álítandi, nærverandi.
5: Og eru tit nærverandi, kunnu tit hoyra ráðini, sum tykkara egna hjarta gevur tykkum. Eg lovi tykkum, at tað eru tey bestu ráðini, tit nakrantíð fara at fáa.
 

Til ber at lesa alla røðuna við at trýsta á leinkjuna niðanfyri:

https://www.facebook.com/notes/eydna-skaale/5-l%C3%A6rd%C3%B3mar-fr%C3%A1-l%C3%ADvinum/1956497517703025/