- Tíðindi, mentan og ítróttur
Russiskur agentur tikin
Russiskur agentur tikin
Ein russisk kvinna, sum býr Washington í USA, er tikin og skuldsett fyri at vera agentur hjá russisku stjórnini.
Mariia Butina varð tikin sunnudagin, men skuldsetingin varð ikki kunngjørd fyrr enn dagin eftir.
Mynd: New York Times
17.07.2018 - 08:08
Ein 29 ára gomul russisk kvinna, sum býr Washington í USA, er tikin og skuldsett fyri at vera agentur hjá russisku stjórnini, upplýsir amerikanska løgmálaráðið.
Sambært løgmálaráðnum skuldi kvinnan fáa samband við amerikanskar borgarar og sníkja seg inn í politiskar bólkar. Hon hevði eisini samband við ein vápnaðan bólk.
Frá 2015 til 2017 arbeiddi kvinnan fyri ein embætismann í russisku stjórnini, sum seinni fekk eitt høgt starv í russiska tjóðbankanum.
Sambært skuldsetingini kann russiska kvinnan verða dømd fimm ára fongsul fyri njósning.
Kvinnan varð tikin sunnudagin, men skuldsetingin varð ikki kunngjørd fyrr enn í gjár, sama dag sum Donald Trump og Vladimir Putin høvdu toppfund.
Er kopiera
Nýggjastu sendingar í ÚV
Nýggjastu sendingar í SV
