Stuðul umsitast betur so hann fer á rættan stað

Útoyggjastuðulin - ein millión krónur um árið - kemur ikki altíð teimum til góðar, sum hann er ætlaður.

Í ískoytinum til frágreiðing løgmans ólavsøkudag skrivar Samferðslumálaráðið, at bara tey, sum búgva í útoyggj, eiga at fáa stuðulin.

Men okkurt bendir á, at umsitingin má skipast betur, so at bara tey, sum stuðulin er ætlaður, fáa burturav. 

Skotið hevur verið upp, at flutnings-feløgini, Atlantic Airways, Strandfaraskip landsins og Posta, sum umsita pengarnar, útflýggja eitt kundanummar og krevja váttan um flutningin, til dømis farmabræv.

Samferðslumálaráðið sigur eisini, at stuðulin er ov lítil, tí hann røkkur bara til hálvt ár.